YUMMY YEMA:)

Sino ba sa atin ang hindi pa nakakatikim ng matamis na candy na ito? Malamang halos lahat tayo ay nakakain na ng yema. Sigurado akong hindi niyo pa nakakalimutan ang tamis na naibigay nito sa inyong mga panlasa. Napakadali lamang gawin nito at hindi niyo na kailangan ng mahabang oras para makagawa ng yema. Ang candy na ito ay karaniwang may hugis na pyramid at nakabalot sa makulay na cellophane kaya naman talagang ito ay nakakakuha ng ating mga atensyon kapag bumibili sa tindahan.

Kung kayo ay nagnanais gumawa ng yema, wag kayong magdalawang isip dahil nakasisiguro akong hindi kayo mahihirapan dahil madali lang ang mga proseso ng paggawa nito. Heto ang mga ingredients na kailangan niyo: 2 cans condensed milk, 3 egg yolks, 1 tablespoon melted butter, 3 tablespoons chopped nuts. Pagsamasamahin lamang ang mga ingredients na ito at iluto na. Hintaying lumamig ng konti para mas maging masarap ang pagkain niyo ng yema.

Noong bata pa ako, isa ito sa mga paborito kong bilhin sa tindahan. Pagkagaling ko ng school, pupunta agad ako sa tindahan para bumili ng yema. Kung minsan pa nga ay nagbabaon ako nito sa school at kinakain ito tuwing klase kahit bawal.

Noong tumira na ako sa Japan, hinanap hinap ko ang lasa ng yema. Naiinis ako noon dahil wala akong mahanap na lugar kung saan pwede bumili nito kaya naman ako ay nagpaturo pa sa aking kaibigan kung paano gumawa ng yema. Kaya ayun, nalaman kong madali lang pala gawin ito. Minsan pa nga gumawa ako nito at pinatikim ko sa mga kaklase kong Japanese at nagustuhan naman nila ang lasa nito at muli silang nagpagawa sa akin ng yema.

-Chiaki Komatsu